کیا یسوع مسیح کے جی اُٹھنے کے حوالے سے ثبوت موجود ہیں؟
سائنس کے حوالے سے اِس بات کا کوئی ثبوت نہیں ہے کہ یسوع مسیح جی اُٹھے تھے۔ البتہ اِس حوالے سے اُس وقت کے لوگوں میں سے بہت سے شخص اور گواہیاں اُن واقعات کی تصدیق کرتے ہیں۔ اِن میں یسوع مسیح کے جی اُٹھنے کے بیس سال بعد سینٹ پال کی طرف سے کُرنتھیوں کو لکھا گیا قدیم خط ہے جو سب سے قدیم گواہی ہے۔
1 کُرنتھیوں 15 باب 3 سے 6 آیات: ” چُنانچہ مَیں نے سب سے پہلے تُم کو وُہی بات پُہنچا دی جو مُجھے پُہنچی تھی کہ مسِیح کِتابِ مُقدّس کے مُطابِق ہمارے گُناہوں کے لئے مُوأ۔ اور دفن ہُوأ اور تِیسرے دِن کِتابِ مُقدّس کے مُطابِق جی اُٹھا۔ اور کیؔفا کو اور اُس کے بعد اُن بارہ کو دِکھائی دِیا۔ پھِر پانچ سَو سے زِیادہ بھائِیوں کو ایک ساتھ دِکھائی دِیا۔ جِن میں سے اکثر اب تک مَوجُود ہیں اور بعض سو گئے “۔
پال یہاں اُس زندہ روایت کو بیان کر رہے ہیں جو اصل مسیحی برادری میں یسوع مسیح کے مرنے اور جی اُٹھنے کے دو یا تین سال بعد پیش آئی، جب اُنہوں نے خود زندہ خُداوند کا سامنا کیا اور وہ مسیحی ہوئے۔ جب شاگِردوں نے خالی قبر کی حقیقت کو یسوع مسیح کے جی اُٹھنے کی پہلی نشانی کے طور پر لیا تھا۔
لُوقا 24 باب 2 سے 3 آیات: ” اور پتّھر کو قَبر پر سے لُڑھکا ہُوأ پایا۔ مگر اندر جا کر خُداوند یِسُوؔع کی لاش نہ پائی “۔
اُس وقت کی عورتوں نے اِس بات کو دریافت کیا لیکن اُس وقت کے قانون کے مطابق وہ گواہی نہیں دے سکتیں تھیں۔ اگرچہ ہم یُوحنّا رسول کے بارے میں پڑھتے ہیں کہ اُنہوں نے خالی قبر کو دیکھا اور ایمان لائے، اور یسوع مسیح کے ظہور کے بعد اِس بات کی یقین دہانی کرائی کہ یسوع مسیح زندہ تھے۔
یُوحنّا 20 باب 8 آیت: ” اِس پر دُوسرا شاگِرد بھی جو پہلے قبر پر آیا تھا اَندر گیا اور اُس نے دیکھ کر یقِین کِیا “۔
یسوع مسیح کے آسمان کی بادشاہی میں جانے کے بعد اُن کا ظہور ختم ہو گیا۔ اِس کے باوجود یسوع مسیح اُس وقت اور آج بھی ظاہر ہوتے ہیں جو اُن کے زندہ ہونے کی گواہی ہے۔
خُداوند آپ سب کو برکت دے اور زندگی کی تمام مشکلات سے دور رکھے، اور آپ یوں ہی خُدا کے فضل سے اپنی زندگیوں میں ترقی کرتے جائیں۔ یسوع مسیح کے جلالی اور بابرکت نام میں آمین!
