July 21, 2024

اردو

اردو

زبور 16- اعتماد کی دُعا

اعتماد کی دُعا - خُدا بھلائی کا خُدا ہے جو ہمارے ساتھ رہتا ہے - Zaboor 16 - زبور 16

اَے خُدا! میری حِفاظت کر کیونکہ مَیں تُجھ ہی میں پناہ لیتا ہُوں۔

مَیں نے خُداوند سے کہا ہے تُو ہی رب ہے۔

تیرے سِوا میری بھلائی نہیں۔

زمِین کے مُقدّس لوگ وہ برگُزیدہ ہیں

جِن میں میری پُوری خُوشنُودی ہے۔

4۔ غَیرمعبُودوں کے پِیچھے دَوڑنے والوں کا غَم بڑھ جائے گا۔

مَیں اُن کے سے خُون والے تپاون نہیں تپاؤُں گا

اور اپنے ہونٹوں سے اُؔن کے نام نہیں لُوں گا۔

خُداوند ہی میری میِراث اور میرے پیالے کا حِصّہ ہے۔

تُو میرے بخرے کا محافِظ ہے۔

جرِیب میرے لِئے دِل پسند جگہوں میں پڑی

بلکہ میری میِراث خُوب ہے!

مَیں خُداوند کی حمد کرُوں گا جِس نے مُجھے نصِیحت دی ہے

بلکہ میرا دِل رات کو میری تربیت کرتا ہے۔

مَیں نے خُداوند کو ہمیشہ اپنے سامنے رکھّا ہے۔

چُونکہ وہ میرے دہنے ہاتھ ہے اِس لِئے مُجھے جُنبِش نہ ہوگی۔

اِسی سبب سے میرا دِل خُوش اور میری رُوح شادمان ہے۔

میرا جِسم بھی امن و امان میں رہے گا۔

10۔ کیونکہ تُو نہ میری جان کو پاتال میں رہنے دے گا

نہ اپنے مُقدّس کو سڑنے دے گا۔

11۔ تُو مُجھے زِندگی کی راہ دِکھائے گا۔

تیرے حضُور میں کامِل شادمانی ہے۔

تیرے دہنے ہاتھ میں دائِمی خُوشی ہے۔

آمین!

RELATED ARTICLES