July 23, 2024

اردو

اردو

زبور 138- خُداوند کی مہربانی پر شُکرگزاری

خُداوند کی مہربانی پر شُکرگزاری - خُداوند کی ابدی شفقت - Zaboor 138 - زبور 138

مَیں پُورے دِل سے تیرا شُکر کرُوں گا۔

مَعبُودوں کے سامنے تیری مدح سرائی کرُوں گا۔

مَیں تیری مُقدّس ہَیکل کی طرف رُخ کر کے سِجدہ کرُوں گا

اور تیری شفقت اور سچّائی کی خاطِر تیرے نام کا شُکر کرُوں گا

کیونکہ تُو نے اپنے کلام کو اپنے ہر نام سے زِیادہ عظمت دی ہے۔

جِس دِن مَیں نے تُجھ سے دُعا کی تُو نے مُجھے جواب دِیا

اور میری جان کو تقوِیت دے کر میرا حَوصلہ بڑھایا۔

اَے خُداوند! زمِین کے سب بادشاہ تیرا شُکر کریں گے

کیونکہ اُنہوں نے تیرے مُنہ کا کلام سُنا ہے۔

بلکہ وہ خُداوند کی راہوں کا گِیت گائیں گے

کیونکہ خُداوند کا جلال بڑا ہے۔

کیونکہ خُداوند اگرچہ بُلند و بالا ہے تَو بھی خاکسار کا خیال رکھتا ہے۔

لیکن مغرُور کو دُور ہی سے پہچان لیتا ہے۔

خواہ مَیں دُکھ میں سے گُزروں تُو مُجھے تازہ دَم کرے گا۔

تُو میرے دُشمنوں کے قہر کے خِلاف ہاتھ بڑھائے گا۔

اور تیرا دہنا ہاتھ مُجھے بچا لے گا۔

خُداوند میرے لِئے سب کُچھ کرے گا۔

اَے خُداوند! تیری شفقت ابدی ہے۔

اپنی دست کاری کو ترک نہ کر۔

آمین!

RELATED ARTICLES